“Po e mbajmë premtimin që kemi dhënë: Programi i Mbështetjes për Universitet ka filluar!”
Gjatë procesit zgjedhor kemi dhënë një premtim të rëndësishëm për të rinjtë tanë dhe sot kemi kënaqësinë ta realizojmë një tjetër hap konkret në këtë drejtim.
Me nënshkrimin e Programit për Mbështetje në Arsimin e Lartë / Universitet, po e vëmë në zbatim këtë iniciativë, e cila do të hyjë në fuqi nga viti 2026.
Të gjithë studentët që regjistrohen për herë të parë në universitet nga viti 2026 do të përfitojnë një mbështetje financiare njëherëshe për të lehtësuar rrugëtimin e tyre akademik:
- Studentët e nivelit Bachelor: 350 €
- Studentët e nivelit Master: 500 €
- Studentët e nivelit të Doktoraturës: 1,000 €
Qëllimi ynë është të jemi pranë të rinjve në rrugëtimin e tyre arsimor, të lehtësojmë barrën e familjeve dhe t’u japim më shumë besim në të ardhmen.
Ne besojmë se investimi në rini është investim në të ardhmen e vendit tonë. Për këtë arsye, vazhdojmë të punojmë me përkushtim dhe me një qasje që jo vetëm premton, por edhe realizon.
Do të vazhdojmë të mbështesim të rinjtë tanë në realizimin e ëndrrave të tyre, sepse të ardhmen e ndërtojmë së bashku.
