Sot, Kryetari i Komunës, z. Abdülhadi Krasniç, ka pritur në zyrën e tij Drejtorin e Kompanisë Hidroregjioni Jugor, z. Bekim Gashi, së bashku me delegacionin që e shoqëronte. Gjatë takimit, janë trajtuar në mënyrë gjithëpërfshirëse vënia në funksion e sistemit të shpërndarjes, i cili përbën fazën e dytë të projektit të ujit të pijshëm, si dhe problemet dhe defektet e paraqitura në sistemin ekzistues të shpërndarjes. Është arritur pajtueshmëri që të kryhen teste provuese me qëllim të identifikimit të defekteve dhe sigurimit të funksionimit të rregullt të sistemit.
Pas takimit, Kryetari i Komunës, z. Abdülhadi Krasniç, dhe Drejtori i Hidroregjionit Jugor, z. Bekim Gashi, kanë zhvilluar inspektime në terren me qëllim të fillimit të sistemit të shpërndarjes, i cili përbën fazën e dytë të projektit.
Gjatë dy viteve të fundit, fakti që vendi ynë ka kaluar vazhdimisht nëpër procese zgjedhore ka shkaktuar vonesa të caktuara, ashtu si edhe në shumë projekte të tjera, edhe në projektin e ujit të pijshëm. Megjithatë, pavarësisht të gjitha këtyre pengesave, kontaktet dhe angazhimet e nevojshme për përshpejtimin e procesit dhe përfundimin e projektit në afatin më të shkurtër të mundshëm do të vazhdojnë me vendosmëri.
