Si Komunë e Mamushës, kemi nënshkruar një marrëveshje të rëndësishme mirëkuptimi me përfaqësuesin e AgroDev-it, Fatmir Selimi. Në kuadër të kësaj marrëveshjeje do të fillojë procesi i certifikimit GLOBALG.A.P., i cili do t’u mundësojë fermerëve tanë që perimet e prodhuara në Mamushë të arrijnë më lehtë në tregjet evropiane.
Falë këtij certifikimi, produktet e fermerëve tanë do të jenë në përputhje me standardet evropiane dhe depërtimi i tyre në tregjet ndërkombëtare do të bëhet shumë më i lehtë.
Ashtu si deri më sot, edhe në të ardhmen do të vazhdojmë të jemi pranë prodhuesve tanë, në mënyrë që puna dhe mundi i tyre ta marrin vlerën që meritojnë.
Në këtë projekt do të kontribuojë si Inxhinier i Bujqësisë Hikmet Krüezi, ndërsa në fushën e IT-së dhe mbështetjes për fermerët tanë do të angazhohet edhe Mirat Bitiçi.
Uroj që ky hap i rëndësishëm të jetë i mbarë dhe me shumë dobi për të gjithë fermerët dhe qytetarët e Mamushës.
